هل تقبل انا ابوك يجوزك ؤيصرف عليك

السلام عليكم ورحمة الله,الموضوع ده اكسكلوسيف للرجال ,لانه بيناقش مشكلة من اهم مشاكلنا اليومين دول ,الجواز ,99.9999% من الشباب الاعزب تعبان ياما من المشى فى الشارع ياما من كلام الناس عن الجواز ,هتقوللى غض بصرك اقولك غضيناه وبعدين مش معقول هنمشى فى الشارع مغمضين,انا بمشى حاطط راسى فى الارض عشان ماشوفش منظر وحش ,لدرجة انى ساعات مابشوفش قرايبى وهم معديين من جنبى فى الشارع, دلوقتى منين ماتكلم مع صحابى يقولك انا هكلم ابويا يجوزنى,ياعم الحاج هو ابوك معاه؟ يقولى لا بس هو كده اخلص تعليمى وهو يتصرف ,مش بدل ماخش عليه شايل عيل؟ نروح فرح واحد صاحبنا ,ابوه مجوزه معاه فى البيت وبيصرف عليه وعلى مراته نقوم بصينله والدمعة تنزل من عنينا ,آآه يابن المحظوظة.ونقوم قايليين شوف الواد ابوه بيصرف عليه وجوزه,مع ان اي واحد مننا لو ابوه قاله تعالى هجوزك هيجرى يبوس ايد ابوه وهيشيله من على الارض,امى تهزر معايا وتقوللى جايبالك عروسة اقولها دى مين الهبلة اللى هترضى بي؟ واحد عاطل ابوه لسه بيصرف عليه .تقوللى بكرة تتعدل يعنى انت هتقعد طول عمرك عاطل,يوم تانى تحب تناكفنى .ايه رايك اجوزك فى الاوضة؟ واجيبلك اوضة نوم جديدة ,والعروسة تخلى عند اهلها دم وماتطلبش اكتر من كده,امى بتحلم ياما فايقة ,معرفش هى شايفة على مظاهر انحراف ولا ايه؟الحمد لله انا ماشى عدل ,وعمرى مامشيت مع بنات لان ده حرام ثم انا مابحترمش البنات اللى من النوعية دى ,ثم همشى معاها هقولها ايه؟ ,نيجى بقى لسؤال الحلقة,لو ابوك عرض عليك انه يصرف عليك ويجوزك ويصرف عليك انت وبنت الحلال(الهبلة) هتوافق؟
انا عن نفسى هوافق بس ابويا عمره ماهيعمل حركة الجدعنة دى لانه بالعافية بيصرف علينا