امير العذاب
عدد المساهمات : 26
نقاط : 125
تاريخ التسجيل : 19/05/2009
العمر : 35
 |  موضوع: نكت عن مبارك الأربعاء يوليو 22 2009, 12:18 | |
| مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة
1- ليه انت رئيس بقالك 25 سنه ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله
1- ليه انت رئيس بقالك 25 سنه ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
5- ليه جرس الراحه رن ربع ساعه بدرى ؟
6- وبعدين فين رامى ؟؟؟؟؟؟
--------------------------------------
مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
----------------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
------------------------------------
مرة سيادة الريس مد إيده في جيبه لقي 5 مليون جنيه!!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد:
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله هتروح تستغفر ربنا بالطواف حوالين الكعبة، لفة لكل مليون جنيه وخلاص .
الريس راح لقي عمنا صفوت فقال له: أنت بتعمل إيه هنا؟
أنت هتلف كام لفة؟
عمنا صفوت :78 لفة .
الريس: يخرب بيتك؟ ده أنت خربت البلد !!
عمنا صفوت: أنت جاي علي انا؟ روح شوف علاء ابنك جايب
موتوسيكل وبقاله 3 أيام بيلف
-------------------------------------
كان فى سرير المرض حينما أخذ يلقى بوصاياه الأخيرة
لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
( ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
-----------------------------------------
كان حسني مبارك بيخطب في الشعب .. فكل شويه واحد يقوم ويقول
عاش حسني مبارك موحد الاديان ويقعد
يروح حسني مكمل كلامه وشويه ويقوم الراجل
ويقول عاش حسني مبارك موحد الاديان
فااتمسك امن دوله وطااااااااخ ويقولوله ايه الي انت
بتقوله دا ازاي موحد الاديان
دي مصر فيها مسيحين ويهود ومسلمين وطااااااخ
فرد عليهم يا باشا ماهوه اللي مكفرنا كلنا
----------------------------------
بيقولك واحد تانى لقى الفانوس السحرى ودعكه طلعله العفريت
وقاله:شبيك لبيك تطلب أيه؟
قاله الراجل: أنا عايز كوبرى بين القاهره وأسوان
العفريت قاله: دى صعبه قوى .. نقى حاجه تانيه
الراجل قاله:خلاص خلى حسنى مبارك يسيب الحكم
العفريت قاله:أنت عايز الكوبرى رايح جاى ولا رايح بس
--------------------------------
إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ
مع تحياتى:أمير العذاب | |
|
Lolita
عدد المساهمات : 68
نقاط : 83
تاريخ التسجيل : 21/07/2009
العمر : 38
| | موضوع: رد: نكت عن مبارك الخميس يوليو 23 2009, 18:26 | |
| ان ان اااااااااااااااااااااااااااااااااان
انا مليش دعوة بالكلام ده يا عم | |
|
BASKOTA
عدد المساهمات : 60
نقاط : 72
تاريخ التسجيل : 19/07/2009
العمر : 33
| | موضوع: رد: نكت عن مبارك الجمعة يوليو 24 2009, 12:01 | |
| ليه كده بقى؟؟؟؟؟؟؟؟؟؟؟؟؟؟؟؟؟؟ | |
|
sway
المدير العام
عدد المساهمات : 205
نقاط : 1466
تاريخ التسجيل : 17/05/2009
العمر : 35
الموقع : المدير العام
| | موضوع: رد: نكت عن مبارك الجمعة يوليو 24 2009, 16:29 | |
| | |
|
cheetooos
مشرف
عدد المساهمات : 91
نقاط : 221
تاريخ التسجيل : 19/05/2009
الموقع : https://agda3so7ab.ahlamontada.net
| | موضوع: رد: نكت عن مبارك السبت يوليو 25 2009, 12:07 | |
| | |
|
