أجــــــــــدع صـــــــــحــــــاب
اجدع صحاب طلاب جامعة المنوفية
يرحب بكم


أجدع صحاب جامعة المنوفية
 
الرئيسيةالـــبـــوابــةالتسجيلدخول

شاطر
 

 هو ده كهن البنات

اذهب الى الأسفل 
كاتب الموضوعرسالة
sway
المدير العام
المدير العام
sway

عدد المساهمات : 205
نقاط : 1466
تاريخ التسجيل : 17/05/2009
العمر : 30
الموقع : المدير العام

هو ده كهن البنات Empty
مُساهمةموضوع: هو ده كهن البنات   هو ده كهن البنات Emptyالأربعاء مايو 20 2009, 03:30


لوقتى الأخت سحر الجعارة تطلع

تقول ان المرأة لها نفس حقوق الرجل في المجتمع،



والأخت إيناس الدغيدى تطلع تقول ان الراجل همجى مش بيعرف في المرأة

غير جسمها،




والأخت إقبال بركة تقول إن مصدر جمال المرأة هو عقلها مش جسدها ولازم

التعامل معاها كعقل بدون النظر إلى الجسد هيه عاملة فيه ايه.. ده باعتبار

ان الواحدة تبقى ماشية في الشارع وواحد بقى يعاكسها يا ابو عقل

جامد..ياواد انت ياابو مخيخ ..حوش شعرك عشان نشوف جمال عقلك يا قمر


والواحد بقى يكلم صاحبه وهما شايفين بنت ماشية..شفت ياد العقل اللى

لابس أحمر ده؟؟ !!

كل الكلام ده ماشى



والأخت إيناس الدغيدى بيجيلها تخلف عقلى لو سمعت ان راجل قال لمراته

حضَّرى العَشا..باعتبار ان العشا رجس من عمل الشيطان !!




يقولو البنت زى الولد ماهيش كمالة عدد..ومش عارف مين قال ان البنت كمالة؟؟ !!
البنت طبق كشرى بحاله من الكبير ابو خمسةجنيه.. زيه زى الولد بالظبط




والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه !!



طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا

المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى الولد لما يركب المترو كام مرة في اليوم وكل مرة اكتشف انه لازم اقف عشانهم تبقى مشكلة





يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامه بالظبط وتعلـّى صوتها



وتقول لصاحبتها:


معدتش باقدر أقف كتير يا سنية..


ترد عليها زميلتها واللبانة ف بقها:



ومين سمعك يا حبيبتشى..


الدكتشور قال لى انى لو وقفت على رجلى خمس دقايق هارجًّع ع اللى قدامى علطول





وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه اواد المحترم الغلبان هيقوم يبوس ايديها انها تقعد مكانه.. والله لو خلعت شعرها كله وادتهولك على سبيل المقايضة زى قدماء المصريين..برضه مش اوعى تقوم


وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟



ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى


طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..




انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل


والبنت اللى في الجامعة آه لو شافت راجل في المترو.. هيغمى عليها من الخضة..


ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟




أيوة مادام فيه مساواة تبقى ف كل حاجة.

. زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب فى شعرها وتورينك دايما انها بتحط هيد أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط برضه هيد أنشولدرز ومن الحجم الكبير كمان أبو عشرين جنيه..


انا مش بقول انك متقمش خالص

.بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟






وكمان شوف الموقف ده.. بقى ينفع الواد يقف عشان واحدة ست تقعد..ويقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار


وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..


طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا






القاعدة




الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده.


.بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك الطيب

خد معاك وانت راكب المترو
..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد




خد معاك مطوة عشان لو قلبك الطيب خلاك تقعَّد واحدة مكانك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق هههههههههههههههه
الرجوع الى أعلى الصفحة اذهب الى الأسفل
http://agda3so7ab.ahlamontada.net
سندريلا



عدد المساهمات : 7
نقاط : 27
تاريخ التسجيل : 21/05/2009

هو ده كهن البنات Empty
مُساهمةموضوع: سندريلا   هو ده كهن البنات Emptyالأحد مايو 31 2009, 12:09

هههههههههههههههههههه
انته بجد مصعب الموضوع على نفسك
انته عايز تقنعنى انك لما تشوف بنت حلوة مش هتقوم لها زوق منك عشان تقول عليك ولد امور وجنتل وتتكلم معاك وبعدين يا مصرى كل واحد بيمشى حباته زى ما هو عايز مش زى ما التليفزيون بيقول
وبعدين دول ناس بتتكلم عن حاجة فى مستواهم ميعرفوش اى حاجة عن اى واسط تانى
يعنى انا افتكر انك لما تشوف واحد بيعاكس واحدة وتوصل انه بمد ايده عليه اكبد مش هتقف تضحك لا المفروض انك هتبقى راجل ساعتها لان كل واحد بشوف اخته كده اكيد هيتعصب البنت مش بادماغ او العقل زى ما بيقولو البنت احساس جميل بس ممكن اقل حاجة تجرحه وانته مش ممكن تجرح بنت لان مش عابز تنجرح
I love you سندريلا I love you
الرجوع الى أعلى الصفحة اذهب الى الأسفل
Lolita

Lolita

عدد المساهمات : 68
نقاط : 83
تاريخ التسجيل : 21/07/2009
العمر : 33

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالثلاثاء يوليو 21 2009, 16:59

على فكرة انت حاطط البنات فى دماغك

براحه علينا شويه ده احنا مظلومين
الرجوع الى أعلى الصفحة اذهب الى الأسفل
BASKOTA

BASKOTA

عدد المساهمات : 60
نقاط : 72
تاريخ التسجيل : 19/07/2009
العمر : 28

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالأربعاء يوليو 22 2009, 09:37

هو انتوا بتقوموا لحد؟؟؟؟؟؟؟؟؟؟؟؟؟

هقول ايه ولا ايه بس

يلا خلينا ساكتين
الرجوع الى أعلى الصفحة اذهب الى الأسفل
sway
المدير العام
المدير العام
sway

عدد المساهمات : 205
نقاط : 1466
تاريخ التسجيل : 17/05/2009
العمر : 30
الموقع : المدير العام

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالأحد ديسمبر 27 2009, 06:55

والله مافيش اغلب من الرجالة 
بس البنات  
ان لكيدهم عظيم
هاقول ايه بس

_________________
Yeah i'm smiling But inside i'm DYING
هو ده كهن البنات N530184523_934845_4236
الرجوع الى أعلى الصفحة اذهب الى الأسفل
http://agda3so7ab.ahlamontada.net
Queen

Queen

عدد المساهمات : 20
نقاط : 24
تاريخ التسجيل : 21/05/2009

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالثلاثاء ديسمبر 29 2009, 08:55

انتا ظالمنا على فكرة 
الرجوع الى أعلى الصفحة اذهب الى الأسفل
dede

dede

عدد المساهمات : 40
نقاط : 60
تاريخ التسجيل : 09/10/2009
العمر : 28

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالسبت يناير 09 2010, 08:08

حرام عليكوا ده احنا كويسين والله
انتا ليه ظلمنا كده
الرجوع الى أعلى الصفحة اذهب الى الأسفل
sway
المدير العام
المدير العام
sway

عدد المساهمات : 205
نقاط : 1466
تاريخ التسجيل : 17/05/2009
العمر : 30
الموقع : المدير العام

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالثلاثاء مارس 30 2010, 09:09

والله يا ديدى العملية دى بتختلف من بنت لاخرى
بس ده مش يمنع ان البنات مفترية برده
ههههههههههههه


_________________
Yeah i'm smiling But inside i'm DYING
هو ده كهن البنات N530184523_934845_4236
الرجوع الى أعلى الصفحة اذهب الى الأسفل
http://agda3so7ab.ahlamontada.net
nona
مشرف
مشرف
nona

عدد المساهمات : 42
نقاط : 66
تاريخ التسجيل : 09/10/2009
العمر : 29
الموقع : agda3so7ab.ahlamontada.net

هو ده كهن البنات Empty
مُساهمةموضوع: رد: هو ده كهن البنات   هو ده كهن البنات Emptyالثلاثاء مارس 30 2010, 09:18

لا بجد احنا اللى مفتريين
بلاش تتكلم بقى على الافترى علشان انتا عارف مين فينا اللى مفترى
ههههههههههه

انتوا هاقولكوا ايه بس
الرجالة دول حد بشع
الرجوع الى أعلى الصفحة اذهب الى الأسفل
 
هو ده كهن البنات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أجــــــــــدع صـــــــــحــــــاب :: خمسة فرفشة :: قسم ساعة لقلبك-
انتقل الى: