أجــــــــــدع صـــــــــحــــــاب
اجدع صحاب طلاب جامعة المنوفية
يرحب بكم


أجدع صحاب جامعة المنوفية
 
الرئيسيةالـــبـــوابــةالتسجيلدخول

شاطر
 

 اصعب يوم فى حياتى

اذهب الى الأسفل 
كاتب الموضوعرسالة
امير العذاب

امير العذاب

عدد المساهمات : 26
نقاط : 125
تاريخ التسجيل : 19/05/2009
العمر : 30

اصعب يوم فى حياتى Empty
مُساهمةموضوع: اصعب يوم فى حياتى   اصعب يوم فى حياتى Emptyالجمعة يوليو 24 2009, 09:55

بسم الله الحمن الرحيم

اصعب يوم فى حياتى




مش عارفه ليه من مده عاوزه احكى لكم على اليوم ده Smile وقلت فرصه اعرف الايام الصعبه اللى عدت بحياتكم Smile و الاعجب ان اليوم اللى كان ساعتها صعب جدا جدا بالنسبه لى تحول من الايام المميزه اوى عندى اللى تقريبا كل ما افتكرها احس انى عاوزه يا اما اضحك يا اما ابكى من الانفعال اللى لسه باحس بيه كل ما افتكره Smile

اليوم ده كان اليوم اللى يسبق مناقشة مشروع التخرج فى الكليه Smile النظام فى الكليه عندنا ان مشروع التخرج طول السنه مش بنعمل فيه شغل كبير .. يا دوب محاضره كل اسبوع وفى آخر السنه نقضى شهر كامل بعد امتحانات نهاية العام شغل فى المشروع بس Smile و بيساعد الدكتور المشرف علينا شخص وظيفته انه مساعد باحث Smile وده كان طالب متفوق فى دراسته لكنه لم يعمل معيد بالكليه لكنه بيدرس دراسات عليا زى المعيد .. المهم ان كان بيشرف علينا مساعد باحث مفيش بينى وبينه اى استلطاف Sad مش عارفه ليه ماكانش بيعزنى خالص Smile وانا اما حسيت بكده خت جنب و كشيت طبعا .. بس اعمل ايه انا مضطره اتعامل معاه ومش هينفع اقلبه زى ما باعمل مع امثاله Smile المهم خلصت السنه على خير ومابقاش فاضل غير شهر المشروع .. وبدات المعاناه الحقه Smile كل ما اسال اخينا ده على حاجه يقول لى اقرئى ال manual
اللى هو زى الكتالوج يعنى .. اقول له سعادتك قريت وعاوزه اسال فيما قرات يقوم سايبنى وماشى او يرد باجابه تضلم الدنيا زياده !! Sad

انا طبعا الوقت اما بدا يمر ابتدت اعضابى تتعب Sad ده مستقبل يا جدعان و الاخ هيضيع الخمس سنين هدر من غير ما اكون عملت له اى حاجه .. وماينفعش اشكيه للدكتور هيقول انى انا اللى باتدلع Sad وياما بكيت قهرا منه ايام المشروع .. المهم يعنى ربنا وفقنى و فهمت الموضوع اللى كنا شغالين فيه من غير ما ربنا يحوجنا لحد Smile وماخبيش عليكم كنت باحس انى باطلع له لسانى كل ما اشغل البرنامج اللى رفض يساعدنى افهمه Smile

المهم وصلنا خلاص لليوم اللى يسبق تسليم المشروع و اكتشفت انى مفروض اكتب كمية كتابه غير طبيعيه Sad وماكانش عندى كمبيوتر ساعتها Sad و اضطريت اقيم عند خالتى عشان اكتب المشروع .. وده كان قبل نهاية الوقت ييجى باسبوع بس بردو ماخلصتش .. المهم قررت مع زملائى اننا نقضى اليوم الاخير ده كله فى الكتابه و تجميع الورق اللى كل واحد كتبه .. و بالفعل زميلى و زميلتى نزلوا معى ضيوف عند خالتى .. وقضينا طول الليل نكتب و نشخبط و نظبط .. المشكله ماكانتش فى التعب بس كانت فى احساسنا ان الوقت خلاص انتهى ونحن غير مستعدين Sad حتى انى جلست مع زميلتى فى البلكونه قرب الفجر لقيتها بتعيط Sad قلت لها بتعيطى ليه يا نهى؟ Sad قالت لى انها حست لاول مره بغربتها لانها لم تكن من القاهره Sad وطبعا رغم انى كنت عاوزه اعيط انا كمان من احساسى بالخوف بس ماكانش ينفع اعيط Smile

المهم خلصنا شغل ييجى الساعه 6 صباح يوم التسليم .. و نمنا دقائق قبل ان نذهب للكليه .. وبصراحه كان المشروع جمييييييييييييل جدا .. لدرجة اننا واحنا بنطبع النسخ الخاصه بينا بدات ابكى ونهى تطبطب عليا Smile واما وصلنا الكليه و سلمنا المشروع اللى كان هيتناقش اليوم التالى حسيت انى خلاص خلصت و اخدت الشهاده كمان .. حتى بقى شربنا شاى مع بعض المشرفين على المشروع ساعتها بس كان احساسى وقتها انه لم يعد بيننا اى فرق .. و اننا خلاص .. عدينا Smile معلش طولت عليكم Smile

--------------------------------------------------------------------------------



مع تحياتى :أمير العذاب

confused confused confused
confused confused
confused
الرجوع الى أعلى الصفحة اذهب الى الأسفل
 
اصعب يوم فى حياتى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أجــــــــــدع صـــــــــحــــــاب :: منتدى همس الاحبه :: قسم كلاااام الليل-
انتقل الى: